Growth Marketing OS
كل الـ prompts والـ workflows اللي بشتغل بيها — بقت open source
كل اللي أعرفهم عندهم نفس المشكلة دي
وهي انه اي حاجة بيشتغل بيها او اشتغل بيها وجربها
في Notion؟ في ملف Notes؟ في فايل اكسيل قديم او حتي في شات قديم مع ChatGPT من 4 شهور؟
نفس المشكلة عندي وهي انه لو الحاجة مش باشتغل بيها بشكل دايم بتختفي من عندي ومش باعرف اوصلها من كتر المعلومات والاغراق اللي احنا فيه ده
فقررت أعمل حاجة مجنونة شوية:
جمعت كل ده في مكان واحد… وفتحته للناس كلها ببلاش
اسمه Growth Marketing OS وعايز أحكيلك هو إيه، وليه عملته، وإزاي تشتغل بيه من النهاردة حتى لو عمرك ما فتحت GitHub في حياتك
إيه هو Growth Marketing OS؟
خليني أقولك الأول هو مش إيه:
مش لستة لينكات زي اللي بتتشير على LinkedIn وتضيع.
مش prompts متجمعة من جوجل ومترجمة.
مش محتوى AI معمول بالكوم عشان الريبو يبان كبير.
كل ملف في الريبو هو أصل حقيقي prompt أو Claude skill أو AI agent أو n8n workflow أو playbook مكتوب من واحد شغال بيه فعلاً على حسابات حقيقية في e-commerce وSaaS وlead-gen في مصر والخليج وبره
والحتة اللي أنا فخور بيها بجد؟
كل asset معاه قسم اسمه “When I use it” السيناريو الحقيقي اللي طلع منه: حساب عميل، منتج من منتجاتي، أو حملة موثقة على قناة اليوتيوب
يعني مش هتلاقي prompt معلق في الهوا هتلاقي: “الـ prompt ده استخدمته لما كذا حصل، وده اللي طلع منه.”
📂 إيه اللي جواه بالظبط؟
الريبو متقسم زي workspace حقيقي لـ growth marketer. خليني أمشيك عليه بالمنطق مش بالفولدرات:
لو انت بتكتب وبتعمل حملات يومياً → فولدر prompts/ — prompts مجربة للـ paid ads والـ SEO & GEO والـ email والـ CRO والـ content والـ social. Copy، paste، شغّل. github
لو بتشتغل بـ Claude أو ChatGPT بجدية → skills/ فيها Claude skills جاهزة بصيغة SKILL.md، وagents/ فيها system prompts كاملة لـ agents تشتغل لوحدها، وgpts/ فيها إعدادات Custom GPTs. github
لو بتحب الأتمتة → workflows/ فيها blueprints لـ n8n وMake، وmcps/ فيها إعدادات MCP servers للماركترز — ودي المنطقة اللي شخصياً شايف إنها مستقبل الشغل كله. github
لو بتفكر استراتيجياً → playbooks/ خطوة بخطوة للإطلاق والفانلز والـ retention، وframeworks/ فيها الـ mental models بتاعتي، وbenchmarks/ فيها أرقام السوق بمصادرها — كل رقم متوثق. github
والتاتش بتاعي → swipe-files/ فيها hooks وheadlines بالإنجليزي والعربي
طيب أشتغل بيه إزاي؟ (حتى لو GitHub جديد عليك)
أول حاجة: GitHub مش للمبرمجين بس. ده مجرد موقع فيه فولدرات وملفات بتفتحه من المتصفح عادي، من غير حساب، من غير تحميل حاجة
وأنا عاملك ملف HOW-TO-USE فيه 3 مسارات على حسب مستواك: github
🟢 المسار الأخضر — لسه بادئ مع الـ AI:
افتح فولدر prompts/ → اختار المجال بتاعك (ads مثلاً) → افتح أي ملف → انسخ الـ prompt → حطه في Claude أو ChatGPT.
أول نتيجة في 10 دقايق، من غير أي setup. مش مبالغة — جرب وقولي. github
🟡 المسار الأصفر — بتعمل حملات وبتستخدم AI أسبوعياً:
هنا الفكرة تتغير. بدل ما تاخد prompt وتستخدمه مرة، المسار ده بيوريك إزاي تركّب الأصول دي كأنظمة شغل ثابتة، مش prompts متفرقة. زي مثلاً: prompt الـ ad angles + swipe file الـ hooks + الـ benchmark بتاع مجالك = مصنع creatives كامل. github
🔴 المسار الأحمر — بتبني automations أو بتدير فريق:
كل ملف في الريبو مكتوب بـ YAML frontmatter يعني الملفات machine-readable وتقدر توصّلها بالـ stack بتاعك مباشرة: n8n يقرأها، Claude Code يشتغل عليها، الـ agents بتاعتك تسحب منها. github
⚫ المسار الأسود — للمحترفين: متفتحش الريبو أصلاً
ودي الحتة اللي هتفرق معاك وتبقي اسرع
مش لازم تتصفح فولدرات
مش لازم تدور على الملف الصح
مش لازم حتى تفتح GitHub
خلّي الـ AI بتاعك يعمل ده بدالك
الريبو من أول يوم متبني عشان الـ AI يقرأه وعلشان كده فيه ملف llms.txt، وكل ملف مكتوب بصيغة منظمة الموديلات بتفهمها فوراً. يعني الريبو كله بيشتغل كأنه موظف knowledge base عندك.
جرب كده دلوقتي افتح Claude أو ChatGPT واكتب:
“اقرأ الريبو ده github.com/growthack88/growth-marketing-os وهات أنسب prompt لتحسين الـ CTR لإعلانات Meta لمنتج skincare، وطبّقه على المنتج بتاعي: [وصف منتجك]”
الـ AI هيدخل، يلاقي الـ prompt الصح، ويشغّله على حالتك انت من غير ما تعمل copy-paste ولا تعرف الملف كان في أنهي فولدر.
ولو انت من أهل Claude Code؟ الموضوع بيبقى أجمد:
git clone https://github.com/growthack88/growth-marketing-osسطر واحد، والمكتبة كلها بقت على جهازك الـ skills تتركب في Claude مباشرة، والـ agents والـ prompts بقوا جزء من بيئة شغلك وكل ما أنزل جديد، git pull وخلاص نسختك بتتحدث لوحدها.
الفكرة ببساطة: انت مش بتضيف مكتبة للـ bookmarks بتاعتك عشان تفتكرها بعدين وتنساها.
انت بتضيف طبقة معرفة فوق الـ AI اللي بتشتغل بيه كل يوم.
ازاي تتابع الجديد؟
الريبو ده مش منتج خلص وببعتهولك
ده living system أصول جديدة بتنزل أسبوعياً: prompts جديدة، workflows بجرّبها دلوقتي وهرفعها أول ما تثبت نفسها، وكل حاجة بكتشفها في شغلي اليومي
عشان كده اعمل حاجتين، ياخدوا منك 30 ثانية:
1️⃣ ⭐ Star — دوس على النجمة فوق يمين. دي بتحفظلك الريبو في حسابك عشان متضيعوش، وبتقولّي إن في ناس مستنية فأستمر.
2️⃣ 👁️ Watch — جنب النجمة في زرار Watch. دوس عليه واختار Custom → Releases. كده GitHub هيبعتلك إشعار كل ما أنزل دفعة أصول جديدة من غير ما يغرقك في notifications.
والرخصة MIT يعني مجاني للأبد، تستخدمه في شغلك وشغل عملاءك براحتك. github
في حاجة كمان: الإصدارات الجديدة بتوصل للنشرة دي وLinkedIn قبل GitHub — يعني انت أصلاً واقف في الصف الأول. 😉
في ناس هتقولي: “انت بتدي أسرار شغلك ببلاش ليه؟”
بص… الـ prompt مش هو السر. السر هو الـ 15 سنة اللي علمتني أستخدمه إمتى وإزاي وأقرأ نتايجه. ودي حاجة الشير بيكبّرها مش بيصغّرها.
المطلوب منك حاجة واحدة: ادخل دلوقتي، اعمل ⭐ Star، وجرّب أول prompt:
👉 github.com/growthack88/growth-marketing-os
وبعد ما تجرب رد على الإيميل ده وقولي: إيه أول asset فتحته؟ وإيه اللي نفسك تلاقيه في الريبو ومش موجود؟ الردود دي حرفياً هي اللي بتحدد أنزل إيه الأسبوع الجاي
P.S. لو تعرف marketer شغال بالـ AI ابعتله الإيميل ده. الريبو مجاني والله
