من مليار لـ 19 مليار في 14 شهر بس
ده 19x في أقل من سنة ونص و مفيش شركة في تاريخ البشرية عملت كده
أيوه رجعت
سنة كاملة ما بعتلكش إيميل واحد وشهرين مش موجود على السوشيال ميديا
مش هقعد أبرر ومش هقولك “الحياة كانت مشغولة”
الحقيقة؟ كنت بابني وبجرب وبغلط وبفكك حاجات وبركبها تاني
بس عايز اكلمك النهاردة عن حاجة سمعتها خلتني أقول: “لازم أرجع أبعت”
فيه شركة اسمها Anthropic ودي الشركة اللي عامله Claude ودي يا ابن عمي من حوالي 14 شهر كانت بتعمل مليار دولار واحد في السنة بس النهاردة وصلت ل ١٩ مليار دولار
ايوه والله زي ما بقولك كده 19 مليار دولار
و مش Revenue عادي ده ARR يعني إيرادات سنوية متكررة وده أسرع Growth Story في تاريخ الـ SaaS اللي انا شفته وأسرع من Snowflake وأسرع من Palantir والحقيقة أسرع من أي حاجة شوفناها قبل كده
المهم عمنا Amol Avasare الراجل اللي بيقود الـ Growth هناك ويعتبر الHead of Growth هناك وهقولك حاجة كوميدية في اخر الميل عنه بالمناسبة بس المهم اتكلم مع Lenny Rachitsky في حلقة من ساعتين وهحطلك اللينك آخر الميل علشان تشوفه لو حابب
وأنا قعدت سمعت كل ثانية وجبتلك الخلاصة
والحقيقة الحلقة فيها 5 حاجات من أهم الحاجات اللي ممكن تعرفها وتسمعها
1 — الـ Activation مش الـ Acquisition هي المشكلة الحقيقية في اي بيزنس من ناحية الجروث
الناس فاكرة إن التحدي هو إنك تجيب Users لأ التحدي هو إن الـ User يفهم المنتج ويستخدمه فعلاً
في منتجات AI الناس بتسجل وبتقف مش عارفة تبدأ منين مش حاسة بالقيمة
وده أخطر مشكلة Growth في 2025-2026
2 — شركة Anthropic حاطة “خطوة زيادة” في التسجيل بالعمد
أيوه بالعمد وقاصده ده
كل شركات الـ Growth اتعلمت: “شيل أي عقبة قدام الـ User — سجّل بـ Google — ادخل بكبسة زرار واحد”
إنما Anthropic عملت العكس
قبل ما تبدأ تستخدم Claude بتسألك: “هتستخدمه في إيه؟” و”إيه طبيعة شغلك؟”
ده بيعمل 3 حاجات
بيفلتر — اللي مش جاد مش هيكمّل فالـ Users اللي بيدخلوا جودتهم أعلى
بيعلّم — الأسئلة نفسها بتخلي الـ User يفكر “أنا فعلاً عايز أعمل إيه” فلما يدخل عارف يبدأ منين
بيخصّص — الإجابات بتوجّه الـ Experience المناسبة ليك مش One-Size-Fits-All
الـ Friction هنا مش عقبة ده فلتر ذكي بيقلل الـ Churn من أول يوم
3 — Anthropic نفسها بتستخدم Claude عشان يعمل Growth Experiments لوحده “انت متخيل؟!!!“
يعني Anthropic بنت استراتيجية داخلية اسمها CASH اختصار Claude Accelerates Sustainable Hypergrowth
يعني Claude نفسه اللي هو المنتج بتاعهم بيشغّل عملية الـ Growth Experimentation
خليني افصصهالك عمليًا
تخيل إنك عايز تحسّن الـ Conversion Rate بتاع صفحة الـ Pricing في الموقع بتاعك في العادي الموضوع بياخد أسابيع
الـ Growth Team بيقعد يفكر في Hypothesis وافتراضات كتير ويصمّم التجربة ويحدد الـ Metrics ويشغّل A/B Test ويستنى Data ويقعد يحلل ويطلع بـ Insights وبعدين يبدأ التجربة اللي بعدها
نظام CASH بقي خلّت Claude يعمل ده بشكل شبه مستقل يعني بيقرأ الـ Data ويقترح Hypotheses ويصمم التجربة ويحللها ويقولك “جرّب ده بعد كده”
الطريقة التقليدية كانت: فريق من 4-5 أشخاص بيعمل 8-10 Experiments في كل ٣ شهور
طريقة Anthropic: عشرات التجارب بتتنفذ لأن الـ AI شايل الـ Thinking والـ Analysis
وبرضه البشر لسه بيراجعوا ويوافقوا بس بدل ما يقضوا 80% من وقتهم في Analysis بيقضوه في Decision-Making انت متخيل ايه اللي بقي يحصل دلوقتي؟
4 — نسبة الـProduct Managers للـ Engineers لازم تتقلب
من أجرأ الآراء في الحلقة ممكن قريب يبقى عدد الـ PMs أكتر من الـ Engineers
ليه؟ لأن Claude Code بيخلي Engineer واحد يعمل شغل 2-3 تشخاص حرفيا فالـ Bottleneck بقى في التفكير والـ Strategy والـ Prioritization مش في الكتابة والـ Execution
المهندس اللي عنده “عقلية منتج” ده بقى هو المطلوب وهو اللي بقي وجوده نادر
5 — الكويديا بقي اللي قولتلك عليها فوق وهي انه الـ Cold Email لسه شغال حتى في 2026
الراجل Amol نفسه؟ مكانش في وظيفة معلنة بعت Cold Email لـ Mike Krieger CPO بتاع Anthropic وقبل كده Co-Founder of Instagram
وبعتله انه عايز يشتغل معاهم والغريب انه اتقبل
وحرفيا أحسن الفرص مش على LinkedIn Jobs هي في الإيميل اللي محدش غيرك هيكتبه
طب أنت كـ Growth Person تعمل إيه بالكلام ده؟
١ — راجع الـ Activation Funnel قبل ما تصرف جنيه على Ads لو الناس بتيجي ومش بتفهم المنتج كل الـ Budget في الدنيا مش هتنفع
٢ — ابدأ استخدم AI في الـ Growth Process نفسه وابني Workflow يخلّي Claude يساعدك في Hypothesis → Experiment Design → Analysis
٣ — شايف فرصة في شركة مفيهاش وظيفة معلنة؟ ابعت Cold Email عادي وجرب
وهقولك حاجة انه فعلا أسوأ حاجة انه محدش يرد عليك بس نت عارف ايه أحسن حاجة؟ هي انك تبقى Head of Growth في أسرع شركة في التاريخ
الحلقة كاملة ساعتين كل ثانية تستاهل
🔗 شوف حلقة Lenny’s Podcast مع Amol Avasare — Head of Growth at Anthropic
والكوميدي بقي لما بشوف حد كاتب عن شركته “We’re pivoting to AI” واللي بيحصل فعلاً هي إنه مستر عمرو من الـ Marketing شاف ChatGPT إمبارح وجاي يعمل Presentation النهاردة وجي يقولك pivoting الفاجر 😂
كلمة أخيرة
كنت مختفي فعلا أيوه بس مكنتش نايم
والنشرة دي رجعت مش عشان عايز أثبت حاجة عشان في كلام يستاهل يتقال ومحدش بيقوله بالعربي بالشكل ده
ملحوظة اخيرة معلش : لو أنت شغال في الGrowth وما بدأتش تستخدم AI في الـ Experimentation Process نفسه فأنت فايتك كتير
ملحوظة تانية معلش لو كنت مفتقدني ردّ على الإيميل ده بأي كلمة عايز أعرف مين لسه متابع هنا
— محمود عمر
تابعني في كل مكان ومتنساش
🌐 mahmoudomar.com — الموقع الشخصي وفيه كتب وأدوات و SaaS ومشاريع
🎥 Growth Hack Academy — YouTube — 40K+ مشترك — فيديوهات Growth و Marketing بالعربي
💼 LinkedIn — Mahmoud Omar — بوستات أسبوعية عن Growth والـ Indie Hacking
📚 اطلب كتابك — Duck Trilogy و Building Growth Machine و WhatZDuck وأكتر
🛠️ Duckverse SaaS — أدوات SaaS بنيتها بإيدي
📋 Templify Pro — 15+ قالب جاهز للـ Marketing والـ Growth والـ Productivity
كل لينك فوق ده حاجة بنيتها بإيدي عشان تساعدك تكبر — استخدمهم