لو سألت ChatGPT «إزاي أحسّن إعلاناتي؟» هتاخد نصايح عامة تنفع لأي حد في أي بلد، يعني في الآخر مش بتنفع حد.
عشان كده عملت mena-ads، مكتبة AI مجانية للـ Performance والميديا باينج، معمولة للسوق العربي بالذات. بتركّبها على Claude أو ChatGPT أو Gemini، والفرق إنها مش بترد من دماغها:
بتسأل الأول: قبل ما تنصحك بتطلب الأرقام اللي محتاجاها. ولو عندها كفاية، بترد على طول وبتقولك فرضت إيه.
بتحسب بجد: معاها حاسبة بتطلّع نقطة التعادل والROAS الحقيقي وميزانية التعلّم والضريبة.
ماشية بقواعد ثابتة: إمتى تكبّر وبكام، إمتى توقف، وتدوّر على سبب الوقعة بأنهي ترتيب. القواعد دي هي نفسها في كل مرة، مش على حسب مزاج الرد.
بتفهم سوقنا: الدفع عند الاستلام، وسناب والواتساب، ورمضان والجمعة البيضاء، وإن مصر غير السعودية غير الإمارات.
جوّه المكتبة إيه؟
14 أمر، وتقدر تكتب اسم الأمر أو تتكلم عادي بالعربي:
تفهم حسابك
audit: مراجعة الحساب ودرجة من 100 → «راجع حسابي»diagnose: ليه النتايج وقعت → «الروآس وقع فجأة، ليه؟»tracking: فحص البيكسل والتتبع → «البيكسل شغال صح؟»calc: نقطة التعادل والروآس الحقيقي → «أقل روآس أكسب عنده كام؟»
تاخد قرار
optimize: كبّر، ثبّت، قلّل، أو وقّف → «أكبّر الحملة دي ولا أوقفها؟»plan: توزيع الميزانية على المنصات → «عندي 50 ألف ريال، أوزعهم إزاي؟»build: هيكل حملة جديدة قبل الإطلاقseason: خطط رمضان والعيد والمواسم
تعمل إعلانات
creative: زوايا وهوكات وبريفاتcopy: إعلانات جاهزة بالمصري أو الخليجي لكل منصةcompetitors: تحليل إعلانات المنافسين من مكتبة إعلانات ميتا وتيك توك
تسلّم وتحمي
report: تقرير أسبوعي أو شهري للإدارة أو العميلcompliance: سياسات المنصات وقوانين كل سوقconnect: ربط حسابك لايف، للقراءة بس
وكل ده على Meta وGoogle وTikTok وSnapchat وLinkedIn وX وإعلانات الواتساب.
إزاي تركّبها؟
Claude Code: أمرين بس تستخدمهم زي ما هما.
تطبيق Claude: ترفع ملف المهارة من
Skills.ChatGPT أو Gemini: تعمل Project أو Gem، تلزق فيه التعليمات الجاهزة، وترفع ملفات المراجع.
الخطوات لكل واحدة بالتفصيل في الصفحة 👈 https://growthhackacademy.com/mena-ads
إزاي تطلع منها نتايج صح بسرعة؟
دي أهم حتة في الإيميل. المهارة قوية بقد الأرقام اللي بتدّيهالها.
١. ادّيها الـ 6 حاجات دول في أول رسالة
نوع البيزنس: متجر بالدفع عند الاستلام، متجر بالدفع أونلاين، ليدز، تطبيق، B2B.
الدولة، كل دولة لوحدها. ما تقولش «الخليج».
المنصات والميزانية الشهرية بالعملة، وهل الميزانية دي شاملة الضريبة.
هدفك: التكلفة اللي عايزها في الأوردر أو الروآس. لو مش عارفه، ادّيها السعر والتكلفة والشحن.
أرقام آخر 30 يوم والـ 30 يوم اللي قبلهم، مقسمة بالحملة.
كل حملة بتتحسّن على أنهي Event، والتتبع من السيرفر (CAPI) شغال ولا لأ.
لو ادّيتها الـ 6 حاجات دول، هتاخد قرار من أول رد. ولو ناقص منهم حاجة، هتقضي أول ردين في أسئلة.
٢. ما عندكش هدف؟ ابدأ بـ calc
من غير هدف، أي كلام عن «الروآس كويس ولا لأ» ملوش معنى.
مثال: منتج بـ 499 جنيه، تكلفته 150، والشحن 45. على الورق بتتعادل عند روآس 1.64. بس لو 80% بس من الأوردرات بتتأكد و75% من اللي اتأكدوا بيتسلّموا، التعادل الحقيقي في لوحة الإعلانات بيبقى 2.98. يعني الروآس 2.5 اللي فرحان بيه خسارة.
المهارة بتحسبها في ثانية، وبتحطلك هدف أحسن من التعادل بـ 20% عشان يبقى عندك هامش أمان.
٣. ابعت سكرين شوت أو ملف CSV
مش لازم تكتب الأرقام بإيدك. صدّر الجدول من Ads Manager أو صوّره وابعته.
٤. اسأل سؤال واحد واضح
«أكبّر ولا أوقف؟» أحسن من «شوفلي الحساب وقولي رأيك». وهي هتختار الأوامر المناسبة. مثلًا في متجر بالدفع عند الاستلام هتشغّل calc وبعده optimize.
٥. اعرف تقرا الرد
كل رد بيبدأ بسطر واحد فيه القرار، وبعده الدليل بالأرقام، وبعدين الأفعال في 3 خانات:
⚡ اعمله النهارده · 🧪 جرّبه الأسبوع ده · 🛑 وقّفه أو قلّله
وكل ملاحظة مكتوب جنبها «مؤكدة بالأرقام» أو «فرضية، اتأكد منها بكذا». الفرضيات راجعها قبل ما تنفّذ.
٦. نفّذ حاجة واحدة وارجعلها
غيّر حاجة واحدة بس، واستنى 3–5 أيام، وارجع في نفس المحادثة بالأرقام الجديدة. كده هتبني على اللي فات بدل ما تبدأ من الصفر كل مرة.
أول 15 دقيقة
5 دقايق: ركّب المهارة.
5 دقايق: الصق البرومبت ده بأرقامك:
استخدم مهارة mena-ads.
عندي [متجر/خدمة/تطبيق] في [الدولة]، بعلن على [المنصات] بميزانية [المبلغ] في الشهر.
هدفي: [التكلفة اللي عايزها في الأوردر، أو الروآس].
دي أرقام آخر 30 يوم والـ 30 اللي قبلهم: [الصق الأرقام أو ابعت سكرين شوت].
راجع الحساب وقولي أبدأ بإيه.
5 دقايق: نفّذ أول حاجة في خانة ⚡.
حدودها، عشان تستخدمها صح
بتقترح وبتحسب، لكن مش بتعدّل حاجة في حسابك. وحتى لو ربطت حسابك، الربط للقراءة بس، وأي تعديل محتاج موافقتك.
الأرقام المرجعية اللي فيها نقطة بداية. بعد كام شهر، أرقام حسابك إنت هتبقى أدق منها.
الـ AI ممكن يغلط في الحساب، فراجع أي رقم قبل ما تصرف عليه فلوس.
مجانية بالكامل وopen source:
👈 https://growthhackacademy.com/mena-ads
