المشكلة دلوقتي مش في قلة المعلومات
ليه بتتعلم كل يوم حاجة جديدة وشركتك واقفة مكانها؟
كل يوم بتفتح موبايلك وبتشوف thread عبقري عن الـ growth وتفتح بعدها اي فيديو عن الـ marketing وتكتشف أداة AI جديدة كل يوم
بتحفظ كل ده
وبتطبّق… ولا حاجة
كل يوم بتتعلم وتكتشف حاجة جديدة
والدنيا واقفة مكانها او مفيش عائد علي نفسك او شركتك
عارف ليه؟
المشكلة مش إنك مش عارف كفاية
المشكلة إنك عارف كتير أوي يابن عمي وكل ده من غير نظام يرتّب اللي انت عارفه
إحنا مش في زمن قلة المعلومات
إحنا غرقانين فيها
كل يوم 100 مصدر جديد و 100 تكتيك و 100 رأي
والنتيجة؟ تشتيت
والتشتيت ده هو القاتل الصامت للجروث عندك
بتنط من تكتيك لتكتيك
بتجرّب حاجة وتسيبها تجرّب اللي بعدها
مفيش حاجة بتتراكم
ومن غير تراكم مفيش جروث حقيقي
والمعلومة من غير framework مجرد دوشة
وخليني اقولك انه الـ framework هو اللي بيحوّل 100 فكرة مشتتة لـ نظام واحد تقدر تتحرك بيه
عشان كده عملت حاجة وسميتها جدعنة مني الـ Machine Framework
مش عشان أضيف مصدر جديد على المية اللي انت غرقان فيهم
بالعكس والله ده عشان أقفلهم كلهم في إطار واحد
وحقيقي بجد أنا شفت ناس شاطرة جدًا بتقرا وبتتفرّج وبتحضر كورسات…
وواقفة مكانها
مش لإنهم مش عارفين
لإن مفيش عندهم هيكل يحطّوا فيه اللي عارفينه
فقلت انه الناس محتاجة تبطّل تدوّر على معلومة جديدة وتبدأ ترتّب اللي عندها
الفكرة ببساطة هي انه النمو مش حظ ومش كومة hacks
النمو ماكينة من 5 أجزاء متوصّلين، كل جزء بيغذّي اللي بعده:
الـ Acquisition — الناس بتلاقيك إزاي
الـ Activation — أول لحظة بيحسّوا فيها بالقيمة
الـ Retention — بيرجعوا ولا بيختفوا
الـ Referral — بيجيبوا ناس معاهم
الـ Revenue — بتكسب بشكل متكرر
دي الماكينة
وكل تكتيك أو مصدر أو أداة بتشوفها في حياتك ليها مكان على الماكينة دي
وده بالظبط اللي بيخلّيه عملي:
بدل ما تسأل نفسك “أعمل الـ hack ده ولا لأ؟”
تبقى تسأل: “الحاجة دي بتخدم أنهي جزء من ماكينتي؟ وهل ده الجزء اللي فيه المشكلة أصلًا؟”
التغيير البسيط ده بيعمل حاجتين:
بيوقّف التشتيت وانه أي حاجة جديدة بتشوفها تعرف تحطها في مكانها أو ترميها على طول
بيركّز مجهودك على الجزء المكسور مش على الجزء اللي بتحب تشتغل فيه وبس
ده الفرق بين إنك “تتعلم growth”… وإنك “تنمّي وتكبر شركتك”
خليني اقولك إزاي تبدأ تستخدمه في 3 خطوات:
ارسم ماكينتك حط الـ 5 أجزاء قدامك لمنتجك انت تحديدًا
دوّر على أضعف جزء فين العملاء بيتسرّبوا؟ فين الفلوس بتضيع؟
صلّح الجزء ده الأول قبل ما تضيف أي حاجة جديدة
ساعتها كل مصدر بتقرا فيه وكل أداة بتجرّبها يبقى ليها هدف مش مجرد حاجة تانية في الـ saved
وبصراحة كده:
عدد الكورسات اللي خلّصتها مالهاش علاقة بنمو شركتك
المعرفة من غير تنفيذ هواية غالية بجد مش استراتيجية والكلام اللي انت بتضحك بيه علي نفسك وعلينا في بوستات السوشيال ميديا
وخليني اقولك رقم يخليك تفكّر:
لو زوّدت نسبة احتفاظك بالعملاء (Retention) بـ 5% بس
أرباحك ممكن تزيد من 25% لـ 95%
وده مش هبد مني والله دي دراسة من Bain & Company
كل ده من جزء واحد في الماكينة
تخيّل الـ 5 وهم شغّالين مع بعض
الخلاصة يابن عمي
بطّل تجمع مصادر ابدأ تبني الماكينة بتاعتك
وخليني اشير معاك وافرجك علي الـ Machine Framework كامل في مكان واحد تقدر تشوفه وتفهمه خطوة بخطوة
شوف الفريم وورك: growthduckup.com/machine
ولو عايز دليل أعمق فعملتلك الدليل المجاني التعليمي اللي بيشرح إزاي تبني كل ماكينة فيهم بالتفصيل موجود هنا:
الدليل المجاني: buildinggrowthmachine.com
اقرا، ارسم ماكينتك، وابدأ من الجزء المكسور
ده الأسبوع اللي تبطّل فيه تتشتت
Quack! 🦆
— Mahmoud
PS لو الإيميل ده فادك، فورورده لحد تعرفه غرقان في الكورسات وواقف مكانه 🦆
