أهلًا،
هكون صريح معاك: أكتر سؤال بيوصلني هو «أبدأ منين؟». والإجابة كانت دايمًا لينك لفيديو، ولينك لمقالة وده مش نظام.
علشان كده نزّلنا في الأكاديمية حاجة اسمها التراكات: أربع مسارات جروث مجانية بالكامل، كل مسار درس ورا درس. في كل درس بتقرا الفكرة، وتجرّبها على مثال بأرقام، وبعدين تطبّقها على مشروعك إنت، وشغلك بيتحفظ علشان تكمّل من أي جهاز.
ولو مش عارف أنهي واحد بتاعك، دي الخريطة باختصار.
اول تراك E-commerce Growth لو عندك متجر بيبيع بإعلانات، وغالبًا بالدفع عند الاستلام. 12 درس بيوصلوك لـ«خريطة ربح متجرك»: الـROAS الحقيقي، وأقل ROAS ماتخسرش عنده، والفلوس بتضيع فين بين الإعلان وباب العميل. لأن الأوردر اتأكد، بس الفلوس لسه لأ.
وكمان SaaS Growth لو عندك تجربة مجانية أو خطة مجانية وعايز تعرف الناس بتقع منك فين. 8 دروس من التسجيل لحد العميل اللي بيدفع وبيكمّل وبيكبر: التفعيل، والـOnboarding، والتحويل للمدفوع، والـChurn بالحسابات وبالإيراد.
وبرضه B2B Growth لو بتبيع لشركات ودورة البيع عندك طويلة. 7 دروس عن مين يستاهل وقتك، وهتقول إيه لكل واحد في لجنة الشراء، وإزاي تتابع كل صفقة في الـPipeline لحد القرار.
وطبعا Start Growth لو لسه بتبدأ، أو صاحب مشروع صغير عايز يبطّل «نصرف ونشوف». الأرقام الأساسية (ROAS، ونقطة التعادل، وCAC مقابل LTV) وأول تجربة مكتوبة بقاعدة قرار. وده المسار الوحيد اللي لسه بيتبني: 6 دروس متاحة من 9، والباقي جاي.
ولو لسه محتار، في الصفحة سؤالين بس، بتجاوبهم وبنقترح عليك مسار ونقولك ليه.
الحاجة الوحيدة اللي هطلبها منك: أول درس في كل مسار مفتوح على طول من غير تسجيل، ومن التاني بتعمل حساب مجاني باسمك وإيميلك. مش علشان نبيعلك حاجة¹، علشان تمارينك وتقدّمك يتحفظوا ومتبدأش من الصفر كل مرة.
وبعد ما تخلّص أول درس، رد على الإيميل ده وقولي إنت في أنهي مسار ووقفت فين. أنا بقرا الردود بنفسي، واللي هيوصلني هو اللي هيحدد الدروس الجاية.
تسلم يا عالمي